ҚР Президентінің Іс басқармасына қарасты «Бурабай Даму» мекемесі Ұлыстың ұлы күніне орай жұртшылыққа ерекше сый-сияпат әзірлеп отыр.
22 наурыз күні Бурабайда мерекелік концерт өтіп, ұлттық ойындардан жарыс ұйымдастырылып, келген меймандарға қазақы дастархан жайылады. Сондай-ақ, туристер үшін бағалы сыйлықтар дайындалып жатыр! Бас жүлде – теледидар!
Сыйлыққа қол жеткізу шарты оңай: біздің туристік нысандарымызға билет сатып аласыз, сонда берілген талонды ұтыстың соңына дейін сақтауыңыз керек.
?Саяхаттайтын туристік орындар:
- Хайуанаттар бағы, табиғат мұражайы (визит-орталықта)
- BurabayLand (Шортанды көлінің оңтүстік-шығыс жағалауы)
- Мультимедиялық интерактивті кешен (Абылай хан алаңында)
? Ұтыс ойынына арналған билеттер 2023 жылы 16-21 наурыз аралығында сатылады.
✅Ұтыс ойынының қорытындысы визит-орталықтағы (Кенесары, 38) Наурыз мейрамын тойлау кезінде жарияланады.
Айта кету керек, сіздерді Бурабайға жеткізетін «Наурыз мейрамы» экспресі күн сайын таңғы сағат 06:03-те елордадағы «Нұрлы жол» вокзалынан шығып, 09:57-де «Бурабай курорты» станциясына жетеді.
Кері қайтатын рейске туристік пойыз сол күні сағат 19:15-те жолға шығып, Астана-1 станциясына сағат 22:18-де, «Нұрлы жол» вокзалына сағат 23:00-де жетеді.
Арнайы брендтелген екі вагон 19 наурыздан бастап күн сайын Астана-Көкшетау электр пойызының құрамында қатынайды.
Экспресс пойыздың алғашқы жолаушылары ретінде Бурабайға «Құлыншақ» қорының қамқорлығындағы балалар келетінін қуана хабарлаймыз. Балалар үшін бір күндік қызықты тур әзірленіп отыр.
Жобаны ҚР ҚР ПІБ қарасты «Бурабай Даму» ЖШС, «Жолаушылар тасымалы» АҚ және «Kazakh Tourism» ҰК бірлесіп қолға алды.
Мерекелік демалысты керемет өткізіңіз. Наурыз құт-береке әкелсін!
