«Бурабай» МҰТП және «Бурабай Даму» ЖШС қызметкерлері Ақмола облысының туристік-ақпараттық орталығымен бірлесіп Республика күнін және жоғары туристік маусымның аяқталуын бірлескен сенбілікпен атап өтті.
Абылай ханның алаңы мен Көкшетау тауының оңтүстік беткейін қоқыстан тазарту үшін 65 адам «Табиғат – тал бесігің» экологиялық акциясына шықты. Олардың жұмысының нәтижесі - 100-ден астам қап қоқыс.
Сенбілікке Ш. Уәлиханов университет студенттері де қатысты.
«Біз «Туризм» кафедрасының студенттерімен экологиялық тәрбие беру және табиғатқа ену мақсатында акцияға қатысуға келдік, өйткені бұл олардың болашақ кәсібімен тікелей байланысты», - деп бөлісті Ш. Уәлиханов университет оқытушысы -Аза Евлоева.
Жыл сайын экологиялық акцияны Ақмола облысының ТАО қолдайды
«Мұндай акцияларға атсалысушылардың қатары артып келеді, бұл жақсы жаңалық.. Биылғы жылы студенттер тартылды, өйткені экологиялық білім беру экологиялық мәдениетті қалыптастырудың ажырамас бөлігі болып табылады», - деді Ақмола облысының ТАО басшысы Данияр Даиров.
Естеріңізге сала кетейік, ұлттық парк аумағында адамдар көп жиналатын жерлерде 155 металл контейнер орнатылып, оларға үнемі қызмет көрсетіледі. Сондай-ақ 50 ағаш контейнер, 200 қоқыс жәшігі орнатылды. Ағымдағы жылы курорт пен ұлттық парктің аумағынан 3000 текше метрден астам қоқыс шығарылды.
«Біз мұнда жұмыс істеп қана қоймаймыз, біз осында тұрамыз! Мұнда біздің отбасымыз бен балаларымыз тұрады. Маусым соңында тазалау біз үшін жақсы дәстүрге айналды. Жақсы ауа-райының арқасында біз үлкен қуанышпен жұмыс істедік. Көктемге дейін таулардағы тазалық сақталады деп үміттенеміз» – деп ҚР ПІБ «Бурабай даму» ЖШС туризм және маркетинг бөлімінің басшысы Шыңғыс Оразалин айтты.
«Бурабай Даму» ЖШС – туризмді дамытумен айналысатын ҚР ПІБ ведомстволық қарасты ұйымы. Ұжым төртінші жыл қатарынан тұрақты түрде өткізетін «Табиғат-тал бесігің» акциясы дәстүрге айналды және Бурабай кентінің тұрғындарын көбірек тартады.
