14 желтоқсанда Бурабай курортында қысқы маусымның ашылуына арналған салтанатты шара өтті. Бұл күн Қазақстандық Лапландияда өткен мерекелік концерт арқылы келушілерге нағыз қысқы ертегі сыйлады.
Қонақтарды не күтеді?
Қазақстандық Лапландия қыстың ғажайып сезімін сыйлайтын көптеген қызықты іс-шараларды ұсынады:
✓ Шаман ауылы – ежелгі дәстүрлер әлеміне саяхат.
✓ Шанамен сырғанау: иттер мен бұғылардың шаналары, атпен серуендеу.
✓ Қардағы белсенді демалыс: снегоходтар, квадроциклдер, сырғанақтар және мұз айдыны.
✓ Спорттық ойын-сауықтар: шаңғы, коньки және тюбингтерді жалға алу мүмкіндігі.
«Бурабай даму» ұсынған жаңа турлар
Қонақтардың қысқы демалысын ерекше әрі ыңғайлы ету үшін «Бурабай даму» компаниясы бір күндік арнайы турларды әзірледі. Бағдарлама ертегі пойызының кестесіне сай жасалған және келесі нысандарды қамтиды:
✓ Қазақстандық Лапландия бойынша экскурсиялар.
✓ Марал шаруашылығына бару.
✓ Жаңа мультимедиалық кешенмен танысу.
✓ Бұғылар мен иттердің шаналарымен, қардағы аттракциондармен сырғанау.
Қазақстандық Лапландия күн сайын таңғы 10:00-ден кешкі 20:00-ге дейін жұмыс істейді.
Қысқы ертегіні бірге қарсы алайық!
Бурабай курорты қонақтарды қысқы демалыстың қайталанбас эмоцияларына шақырады. Табиғаттың көркем сұлулығы мен түрлі ойын-сауық бағдарламалары барлығына ұмытылмас әсер сыйлайды.
Толық ақпарат үшін 14-05 нөміріне хабарласыңыз.
